Vazhdojn debati dhe reaplikat në distancë ndërmjet artistëve dhe qeverisë, lidhur me shembjen e Teatrit Kombëtar.
Është regjisori Kastriot Çipi, i cili ka publikuar dokumente që bëjnë fjalë për një peticion të firmosur nga artistët më 30 Korrik të vitit 2002, dhe ku ata janë kundër Edi Ramës, në atë kohë kryebashkiak, për abuzim lidhur me shpalljen e konkursit për projekte ndërtimi të Teatrit.
Në mesin e firmave janë edhe emrat e disa prej aktorëve që sot nuk jetojnë më, siç është Roland Trebicka dhe Agim Qirjaqi bashkë me skenografin Shaban Hysa.
“Aktoret Roland Trebicka dhe Agim Qirjaqi, si edhe skenografi Shaban Hysa nuk janë më. Përbri emrave të tyre, Edi Rama ka vënë kryqe. Por të tjerët jane gjallë, per fatin tonë të mirë. Ata sot mund të deshmojne se lufta e nisur me 1998 vazhdon ende.Edi Rama nuk do të jete në pushtet aq gjatë sa të vërë kryqe përbri të gjithë emrave tanë”, shkruan regjisori Çipi
